Bar Kochba

Dr Simon bar Kochba (aramäisch שמעון בר כוכבא, Schim'ôn Bar Kochba oder Schim'on Bar Kochva, „Soon vom Stärn“; † 135, äigentlig Schim'on bar Kosiba) isch e jüüdische Rebell und messianische Pretendent gsi. Er het vo 132 bis 135 noch dr Zitewändi en Volksufstand gege s Röömische Riich under em Kaiser Hadrian agfüert und eme unabhängige churzläbige jüüdische Staat as Nasi – hebräisch נשיא, was denn öbbe Brinz bedütet het und hüte dr Bresidänt wär – vorgstande isch.

Über si Lääbe wäiss mä wenig. Bim Ufstand het er zerst gröösseri Erfolg gege d Römer gha, het sich aber spööter in d Festig vo Betar müesse zruggzieh und isch dört belaageret worde. D Verdäidiger si usghungeret worde und häi schliesslig müesse kapituliere. Dr Bar Kochba isch denn vo sine Mitkämpfer umbrocht worde.